yo Radio Kfor
Degjo Online Mbylle

Radio K4 on Facebook

Our Favourite of the Week



MOVIE BOX

Lajmet e Fundit

Find more about Weather in Pristina, KV
Click for weather forecast


Kosova në Berlinale

16.02.18

Në tregun e madh të filmit, European Film Market, në festivalin prestigjioz Berlinale, që është hapur dje (më 15 Shkurt), Qendra Kinematografike e Kosovës këtë vit stendën e saj e ndan me Qendrën Kombëtare të Kinematografisë së Shqipërisë.
Gjatë këtij festivali, me  mbështetjen e Qendrës Kinematografike të Kosovës do të promovohen 61 filma. Përveç prezantimit të filmave, në Berlinale do të jenë prezent edhe tre aktorët kosovarë, Andi Bajgora, Florist Bajgora dhe Arbresha Grabovci Nixha.

Me qëllim të krijimit të kontakteve dhe shkëmbimit të ideve të reja, gjatë qëndrimit në Berlin, do të organizohet edhe një koktej rasti, ku do të jenë të ftuar përfaqësues të fondeve ndërkombëtare të filmit, partnerë të huaj, producentë dhe përfaqësues të industrisë së filmit. 

më shumë...


Besart Halimi mysafir në Radio KFOR, tregon për albumin e ri - Foto

16.02.18

Sot (16.02.18) mysafir në studion e Radio KFOR-it ishte këngëtari i mirënjohur Besart Halimi në emision me moderatore Vjosa Spahiu-Gola, e cila i drejtoi shumë pyetje të cilat kanë zgjuar kurreshtjen e dëgjuesve të radios.

E si për fillim, Besarti tregoi për dashurinë ndaj këngës të cilën e kishte që nga shkolla fillore, ndërsa kënga e parë profesionale e tij është “Ëndrrat”, e cila vazhdon të pëlqehet aq shumë nga adhuruesit e tij të shumtë.
Ishte pikërisht spektakli i talentëve të rinjë “Ethet e së premtes mbrëma” që organizohej vite më parë në Tiranë, që zbuloi talentin e tij. Në atë kohë ai ishte vetëm 15 vjeç, kur u prezantua para një publiku të madh.

Më tutje Besarti tregoi se edhe pse zhanri i tij i parapëlqyer është balada, ai ka realizuar dy albume live, me hite të ndryshme të zhanrit popullore dhe zbavitëse. Ai tha se këto dy albume janë si një CV për të, duke treguar se ai di dhe mundet të këndojë edhe në zhanre të tjera.

Në pyetjen e Vjosës se a është problem të jesh një artist i kompletuar, ai tha:

“Është shumë problem me qenë një artist i kompletuar. Unë mundohem me qenë vetvetja dhe të bëj atë çka më pëlqen shumë, por punoj edhe për dëshirën e adhuruesve.” 

më shumë...


Universiteti i Prishtinës sot feston 48 vjetorin e themelimit

15.02.18

Universiteti publik i Prishtinës ‘Hasan Prishtina’ sot shënon përvjetorin e 48-të të themelimit.
Për nder të kësaj cermonie rektori i Universitetit të Prishtinës Marjan Dema, ka organizuar një organizim në amfiteatrin e Bibliotekës Qëndore Universitare në të cilën do të shfaqet dokumentari i historikut të universitetit ‘Hasan Prishtina’.
Themelimi i Universitetit të Prishtinës ishte ngjarje historike për qytetarët e Kosovës, në themelimin e saj në shkurt të vitit 1970.

Me këtë ngjarje profesori në departamentin e gazetarisë në ‘Universitetin e Prishtinës’ Milazim Krasniqi, për Radio KFOR-in tha se në këtë pervjetor ende përballet me sfida të shumta.
Universiteti i Prishtinës e pret përvjejtorine vet në një gjendje jo të mirë, si universtet që nuk është shkëputur as nga mentalitetet e kaluara e as nga ndikimi politik dhe si universitet që nuk është integruar as me tregun e punës e as me trendet e universiteteve në hapësirën europiane të unveristeteve”, theksoi Krasniqi.

Profesori Krasniqi po ashtu tregoi për mungesën e fondeve për hulumitme shkencore, dhe shtoi:

më shumë...


Filloi rregullimi i rrugës në fshatin Budisalc të Klinës

15.02.18

Lehtësimi i qarkullimit të banorëve të fshatit Budisalc është projekti i shtrirjes së rrugës 400 metra afër Manastirit e cila filloi dje, falë një donacioni prej 33.000 euro nga Ambasada e Mbretërisë së Bashkuar në Prishtinë si dhe 8.000 euro nga Ministria për Komunitete dhe Kthim.

Implementues i këtij projekti është Organizata Ndërkombëtare për Migrim IOM kurse, vet punimet do të kryhen nga pjesëtarët e FSK-së.

“FSK-ja në kuadër të misionit të vet, vazhdon t’iu kushtojë rëndësi realizimit të projekteve të ndryshme humanitare të cilat janë në shërbim të komuniteteve pa dallim etnie”, tha për radion tonë, Kapiten Egzon Haxhijaj. Kapiteni Haxhiaj po ashtu tha: “Gjatë vitit të kaluar ne si njësi inxhiniere kemi realizuar mbi 12 projekte  humanitare në tërë Kosovën, kemi disa projekte që kemi realizuar në fshatra që janë të banuara nga serbët dhe nga komunitetet e tjera. Po ashtu edhe gjatë këtij viti kemi filluar me projekte të tjera inxhiniere të cilat do t’i realizojmë gjatë vitit, varësisht nga komanda madhore e cila na jep urdhëra neve si njësi inxhinjere.”

më shumë...


Filmi Kosovar shpërblehet në Amerikë

15.02.18

Filmi i prodhuar në Kosovë ‘Agnus Dei’ me regji të Agim Sopit, ka fituar çmimin e filmit më të mirë ‘Best Picture’ në festivalin e filmit ‘Global Motion Picture Awards’, në Kaliforni të SHBA-ve.

Në këtë festival po ashtu çmimin e fotografisë më të mirë ‘Best Cinematography’, e fitoi Menduh Nushi për punën e tij në filmin ‘Agnus Dei’.

Festivali ‘Global Motion Picture Awards’ në juri kishte gjithsej 10 anëtarë profesionistë dhe ka ndarë çmimet në disa kategori.
Filmi i metrazhit të shkurtër ‘Cuerdas’ me regji të Pedro Solis Garcia u shpërblye me çmimin e filmit të shkurtë më të mirë, ndërkaq në kategorinë e dokumentarit më të mirë u shpërblye filmi ‘Inside a Volcano’ nga regjisori Solvi Tryggvason. 

më shumë...


Çifti që u martua në Malin Everest - Foto

14.02.18

Në ditën e të dashurarve, 14 shkurtin, ju sjellim një artikull që ka të bëjë me një çift në Kaliforni, i cili vendosi të martohej në një nga hapësirat më mahnitëse në dispozicion, Majën e Everestit.

Ashley Schmieder dhe James Sissom u martuan në kampin bazë të Majës së Everestit.
Në ditën e dasmës së tyre, temperatura shkoi nga minus 5 gradë në plus 5 gradë dhe çifti kishte veshur çizme dhe syze dielli.

Pikërisht në këtë ambient të veçantë, ata shkëmbyen unazat dhe zotimet për besnikëri ndaj njëri tjetrit.

më shumë...


Marrëveshje bashkëpunimi në mes MKRS-së dhe DokuFest-it

14.02.18

Ministria e Kulturës, Rinisë dhe Sportit ka nënshkruar sot (14 shkurt), memorandum bashkëpunimi me Festivalin Ndërkombëtar të filmit të shkurtër dhe dokumentarit, DokuFest, i cili ka për synim krijimin e rrjetit evropian dhe regjional të partneritetit kulturor dhe kreativ në Kosovë.

Ky memorandum i nënshkruar nga Ministri Kujtim Gashi dhe drejtori ekzekutiv i DokuFest-it Eroll Bilibani, përkrahur edhe nga Fondacioni Kosovar për Shoqëri Civile (KCSF), ka për qëllim mbështetjen dhe fuqizimin e sektorit kulturor dhe kreativ në Kosovë përmes projektit “Kosova Kreative”.

Kjo marrëveshje parasheh adresimin e prioriteteve dhe aktiviteteve që derivojnë nga programi Evropa Kreative.

më shumë...


Nesër ndahen çmimet vjetore në letërsi

14.02.18

Ministri i Kulturës Rinisë dhe Sportit të Kosovës, Kujtim Gashi, nesër (15.02.2018) do të ndajë çmimin Kombëtar për Vepër Jetësore ‘Azem Shkreli’ dhe çmime të tjera letrare.
Shkrimtari Rushit Ramabaja do të shpërblehet me çmimin Kombëtar për Vepër Jetësore ‘Azem Shkreli’, për të gjithë krijimtarinë dhe  kontributin e dhënë në letërsinë shqipe.

Në një prononcim për Radio KFOR-in shkrimtari Ramabaja tha se ndjehet i vlerësuar më këtë çmim.

“Jo, nuk e kam pritur këtë çmim, por ndjehem shumë i kënaqur që kam arritur të bëj diçka për vendin tim”, theksoi Ramabaja.
Ai po ashtu  shpalosi këndvështrimin e tij mbi letërsinë dhe porositi adhuruesit e librit ta duan sa më shumë atë.
“Shkrimtari gjatë gjithë jetës së vet, synon që të krijoj universin e vet letrar në botën e vet fiktive, njeriu mundohet të jetë më i mirë, që bota të jetë më e mirë dhe shoqëria të jetë më e mbarë”.  

më shumë...


Violinistja Sihana Badivuku prezantohet në Milano

14.02.18

Violinistja e mirënjohur shqiptare, Sihana Badivuku do të jetë pjesë e edicionit të trembëdhjetë të “Rassegna Internazionale di Musica da Camera” që mbahet në Milano të Italisë.

Duke pas një shtrirje të gjerë të prezantimeve të saja, që përfshin periudhën nga muaji Tetor i vitit 2017, deri në Gusht të këtij viti, kur edhe pritet të mbyllet, violinistja shqiptare paraqitjen e radhës do ta ketë më datën 16 Shkurt dhe do të jetë e përcjellur nga orkestra e Milanos.

më shumë...


Ajo që bëhet për hir të dashurisë, është përtej të mirës dhe të keqes!

14.02.18

Porosi të veçanta dashurie, çokollata në formë zemrash, trëndafila të kuq apo edhe dhurata nga ato që mbahen mend, sheshe të shdërruara në ngjyrën simbolike të dashurisë, atë të kuqen, përmes trendafilave të shpërndarë gjithandej. Kjo është pak a shumë panorama e rrugëve të pothuajse të gjitha vendeve të botës, e natyrisht edhe Kosovës.

Kësisoj, të rinjët dhe jo vetëm ata, përpiqen të festojnë ditën e të dashurarve, Shën Valentinin, për t’i kujtuar njëri tjetrit dashurinë që ndjejnë. Shën Valentini është dita në të cilën festojmë të rënit në dashuri, duke shkëmbyer dhurata për t'i kujtuar njëri-tjetrit rëndësinë, bukurinë dhe kënaqësinë e të qenurit të dashuruar. 

Kjo ditë festohet në shumë vende të botës, ndonëse jo të gjithë e dinë zanafillën e kremtimit të saj. 

më shumë...


Lexo më Shumë