yo Radio Kfor
Degjo Online Mbylle

Radio K4 on Facebook

Our Favourite of the Week



MOVIE BOX

Lajmet e Fundit

Find more about Weather in Pristina, KV
Click for weather forecast


Balerinët e Kosovës fascinojnë publikun gjerman

24.04.18

Trupa e Baletit të Kosovës mori duartrokitje frenitike nga publiku gjerman për performancën e jashtëzakonshme të tyre në Berlin, atje ku kanë dhënë katër shfaqje, ndërsa këto ditë do të udhëtojnë për në Hamburg, për t’i dhënë edhe tri shfaqje të tjera. Për 46 vite të ekzistencës së Baletit Kombëtar të Kosovës, ky ka qenë prezantimi i parë i tyre në Gjermani.

më shumë...


Sonte mbrëmja përmbyllëse e ‘Chopin Piano Fest’

24.04.18

Festivali i muzikës klasike ‘Chopin Piano Fest’, sonte do të mbajë mbrëmjen e fundit të këtij festivali. Ky festival i përvjetshëm edhe këtë vit solli emra të mëdhenjë të muzikës klasike, artistë ndërkombëtarë duke pasuruar këtë festival me laramni artistësh.
Sonte në mbrëmjen përmbyllëse do të paraqitet pianisti italian Giovanni Bellucci, i shoqëruar nga ‘Filharmonia e Kosovës’.
Ky koncert do të fillojë nga ora 20:00 në ‘Amfiteatrin e Ri të Bibliotekës Kombëtare’ të Kosovës.

Pianisti Bellucci është prezantuar në shumë ngjarje artistike, me performancën e tij në piano në Palermo, pastaj në Auditoriumin ‘Belém’ në Lisbonë, ai ka mbajtur koncerte me orkestrën ‘Sinfonie Biel Solothurn’ dhe shumë paraqitje të tjera të sukseshme.

më shumë...


Elena Halilaj pjesë e ‘Euro Stars’ në Maltë

24.04.18

Në mesin e 17 shteteve dhe 120 pjesëmarrësve në Festivalin Ndërkombëtar të këndimit “Euro Stars” që do të mbahet në Maltë nga data 25 deri më 30 prill të këtij viti, do të marrë pjesë edhe 14 vjeçarja nga Kosova, Elena Halilaj.
Halilaj tashmë ka pranuar ftesën nga organizatori dhe drejtori i festivalit, Martin DeGabriele, i cili ishte fascinuar nga paraqitja e saj vitin e kaluar në Ohër, në Festivalin Ndërkombëtar të quajtur “Tra La La”.

Elena ndjek mësimet e solo këndimit dhe violinës në klasën e tretë në shkollën e muzikës “Amadeus” dhe poashtu ndjek edhe mësimet në klasën e tetë në “Don Bosko”. 

më shumë...


Së shpejti mbahet metal/rock koncert në Prishtinë

24.04.18

Koncerti i zhanrit të muzikës rock metal ‘Metal United World Wide’,  do të fillojë koncertin mbarë botëror në 70 shtete, duke prezantuar 300 bende të ndryshme të rokut dhe heavy metal. Kjo ngjarje globale po organizohet për herë të parë javën e ardhshme edhe në Kosovë, më datën 5 Maj të këtij viti në ‘Amfiteatrin e Pishinës së Gërmisë’, në Prishtinë nga ora 18:00. 
Disa nga grupet që do të paraqiten në këtë koncert janë: grupi Troja, grupi Land of Confusion, Pinkmetal dhe grupi 4X4.

Ky koncert ka filluar të organizohet fillimisht në Australi në vitin 2014, duke u kthyer në një traditë, që çdo vit me 5 Maj të mbahen koncerte në gjithë botën. Flamuri që do të karakterizojë këtë koncert po ashtu do të shfaqet edhe në Kosovë për adhuruesit e kësaj muzike.

më shumë...


“MuralFest” në Ferizaj

24.04.18

Për herë të parë nga data 10 deri më 16 Maj, do të bëhet inaugurimi i Galerisë së Artit Rrugor, në rrugët e Ferizajt, të cilat do të transformohen në një muze të hapur. Vizatimet në mure do të realizohen nga artistë të mirënjohur ndërkombëtar dhe vendas. Në këtë aktivitet përveç  vizatimeve do të ketë edhe ekspozita shtesë të artit dhe ngjarje të tjera zbavitëse në të gjithë qytetin.

Në faqen zyrtare të këtij festivali thuhet se “MuralFest”, është një projekt i artit i filluar nga artistë lokalë dhe anëtarë të komunitetit të cilët besojnë fuqishëm se krijimi i një dëshmie të ndjeshme dhe të qëndrueshme vizuale në muret e qytetit është një hap i rëndësishëm drejt zhvillimit kulturor i shoqërive të ndryshme që jetojnë dhe punojnë në KOSOVË.”

Më poshtë mund t’i gjeni edhe ngjarjet dhe datat që do të organizohen këto ngjyrosje të muraleve:

më shumë...


Kujtohen viktimat e komunikacionit

23.04.18

Sot (23 prill) për 10 minuta, 3 rrugë të Prishtinës patën një pamje krejtësisht tjetër meqenëse  aty u dhanë shfaqje artistike nga artistë të ndryshëm, jo vetëm për nder të viktimave të komunikacionit rrugor, por edhe për ngritje të vetëdijes qytetare për kujdes të shtuar kur kemi të bëjmë me jetën e njeriut.
„Dita Botërore e Përkujtimit të Viktimave në Komunikacionin Rrugor“, ka filluar të shënohet që nga 23 prilli i vitit 2011, mirëpo prej vitit 2016 kësaj ngjarjeje po i jepet një version tjetër me ngjyra artistike, në mënyrë që të gjithë pjesëmarrësit e komunikacionit të mund të marrin mesazh përmes këtyre veprave artistike.

Në një prononcim për Radio KFOR-in, ideatori dhe realizatori i kësaj ngjarjeje, Naim Berisha, na dha detaje më shumë përkitazi me këtë ngjarje.

„Ky aktivitet ka lindur nga nevoja njerëzore për veprim kundrejt dukurisë së aksidenteve enorme në rrugët tona, veçmas atyre me fatalitet, prandaj përmes këtyre performancave nëpër rrugë, po mundohemi të ju ofrojmë pjesëmarrësve në trafik marrjen e porosisë për ngritje të vetëdijes qytetare, për kujdes të shtuar në komukacion, përmes veprave skenike, meqenëse ndër misionet parësore të artistëve është që nëpërmjet veprave të tyre të rrisin shkallën e edukimit dhe ndërgjegjësimit qytetar“,tha Naim Berisha.

më shumë...


Së shpejti Gjysmë-maratona në Prishtinë

23.04.18

Federata Atletike e Kosovës, Ministria për Kulturë Rini dhe Sport, Drejtoria për Sport dhe Rini e Komunës së Prishtinës, organizojnë ‘Gjysmë  maratonën  Ndërkombëtare  të Prishtinës’, e cila do të mbahet më datën 29 Prill.

Në faqen zyrtare www.maratonpr.com, ndër të tjera njoftohet se, “Garuesit që e përfundojnë garën do të shpërblehen me certifikata dhe medalje, me emrin dhe rezultatin e vrapimit të tyre.
Një çmim i konsiderueshëm në vlerë totale prej 13.000€, do ti dhurohet garuesve më të mirë në kategorinë e seniorëve, tre në kategorinë e veteranëve, tre garuesve të vrapimit 5km dhe tre garuesve me aftësi të kufizuara. Në të gjitha kategoritë e cekura më lartë, shpërblimet do të ndahen për të dy gjinitë (meshkuj dhe femra).

më shumë...


Mbahet ‘Kongresi Nacional i Rinisë së Kosovës’

23.04.18

Fondacioni “Friedrich -Ebert -Stiftung” organizon ‘Kongresin e parë Nacional të Rinisë së Kosovës’.
“The Future has a Voice. Share yours!” është mototja e aktivitetit që do të mbahet në Muzeun e Kosovës më datat 10 dhe 11 Maj.

Ky Kongres, fton dhe mirëpret të gjitha organizatat rinore për të diskutuar për sfidat e rinisë kosovare dhe më e rëndësishmja për tejkalimin e këtyre sfidave, me ide të përbashkëta dhe krijuese.
Temat që do të diskutohen gjatë takimeve janë: Sfidat në arsim, papunësia e të rinjëve, pjesëmarrja e të rinjëve në vendimmarrje, jeta shoqërore dhe kulturore e të rinjëve dhe Fillimi i një bashkëpunimi afatgjatë.

Thuhet se ky Kongres, do të jetë vetëm një hap i parë për të ndërtuar një zë të përbashkët të rinisë kosovare.

më shumë...


Kori i Pejës “Jusuf Gërvalla” do të jap shfaqje në Francë

23.04.18

Kori i qytetit të Pejës, sot paraqitet me koncert recital në Kinemanë “Jusuf Gërvalla” në Pejë, duke filluar nga ora 20:00.

Kjo ngjarje cilësohet si para-koncert i udhëtimit të korit në festivalin ndërkombëtar të koreve botërore “Nancy voix du monde”, që mbahet nga data 9 Maj deri më 13 Maj në Nancy të Francës, ku Kosova paraqitet për herë të parë.
Vlen theksuar gjithashtu se për këtë koncert është punuar brenda një periudhe shumë të shkurtër dhe është arritur të krijohet një program i nivelit të lartë profesdional.

Në këtë mbrëmje do të paraqiten vepra të ndryshme të kompozitorëve të njohur botërorë, si premiera e kompozitorit kosovar “Siparantum” nga Kreshnik Aliçkaj, vepër e kompozuar enkas për këtë kor.

Në mesin e shumë veprave të njohura do të jetë “Bohemian Rhapsody” nga Queen, që kësaj radhe vjen nën interpretimin e Matej Karaqit në përcjellje të pianistit Agron Shujaku.

më shumë...


Pikturat e Ibrahim Kodrës në Prishtinë

23.04.18

Veprat e çmuara të piktorit të madh Ibrahim Kodra, së shpejti do të jenë pjesë e muzeut që do ta mbajë emrin e tij në Prishtinë. Kështu ka bërë të ditur drejori i kulturës në Komunën e Prishtinës Yll Rugova, në faqen e tij në Facebook, ku shkruan:
Është kënaqësi që sot në 100 vjetorin e lindjes së mjeshtrit të artit Ibrahim Kodra, mund të jap njoftimin në emër të Komunës së Prishtinës se brenda vitit do ta kemi të gatshëm Muzeun Ibrahim Kodra në Prishtinë”.

Ai po ashtu ka theksuar se brenda javëve do ta nënshkruajnë marrëveshjen për nisjen e punimeve të Muzeut Ibrahim Kodra në Prishtinë. ‘Tashmë jemi dakorduar me planin edhe me ‘Fondacionin Kodra në Lugano’, për bartjen e koleksionit të tyre në ekspozim permanent në Prishtinë’, ka theksuar më tej Kodra.

më shumë...


Lexo më Shumë