yo Agjencia Zvicerane ndihmon Kosovën me pajisje medicinale
Degjo Online Mbylle

Radio K4 on Facebook

Our Favourite of the Week



MOVIE BOX

Find more about Weather in Pristina, KV
Click for weather forecast


Agjencia Zvicerane ndihmon Kosovën me pajisje medicinale

13.03.18

Agjencia Zvicerane për Zhvillim dhe Bashkëpunim sot (13 mars), i ka dhuruar Komunës së Lipjanit setin e fundit të pajisjeve bazike për Kujdesin Parësor Shëndetësor, nga projekti “Kujdesi Shëndetësor i Qasshëm dhe Cilësor”.
Pajisjet përfshijnë 15 artikuj bazik si : peshore, pajisje për matjen e tensionit të gjakut dhe pajisje për operime të vogla, të cilat janë shpërndarë në më shumë se 80 qendra të KPSH-së në 12 komuna që mbështeten nga projekti (Fushë Kosovë, Gjakovë, Drenas, Graçanicë, Junik, Lipjan, Malishevë, Mitrovicë, Obiliq, Rahovec, Skenderaj dhe Vushtrri).
Përveç kësaj, ky projekt i ka ofruar Qendrave Kryesore të Mjekësisë Familjare pajisje të specializuara, duke përfshirë monitorin e zemrës dhe analizatorin e HbA1c, që është një aparaturë e cila përdoret për matjen e nivelit të glukozës në gjak të pacientit, test ky shumë i rëndësishëm për të zbuluar nëse pacienti ka diabet apo jo.

Dr. Agim Krasniqi, Drejtor i Qendrës Kryesore të Mjekësisë Familjare në Komunën e Lipjanit shprehet i lumtur për sa i përket këtij akti jetik për qytetarët.

“Pajisjet do të ndihmojnë mjekët tanë familjar në ofrimin e shërbimeve të një cilësie më të lartë për pacientët dhe për herë të parë në Kosovë mjekët në këto 12 qendra kryesore të mjekësisë familjare do të jenë në gjendje të kryejnë testin HbA1c, i cili është hetimi më efikas për diagnostifikimin dhe menaxhimin e diabetit”, tha mes tjerash Dr. Krasniqi.

Informacionet shtesë në lidhje me këtë projekt, mund t’i gjeni në vegzën e mëposhtëme www.aqhproject.org



Lexo më Shumë