Degjo Online Mbylle

Radio K4 on Facebook

Our Favourite of the Week



MOVIE BOX

Find more about Weather in Pristina, KV
Click for weather forecast


Qytetarëve u bëhet thirrje për kujdes ndaj zjarreve

13.06.18

Agjencia e Menaxhimit të Emergjencave e Ministrisë së Punëve të Brendshme, u ka bërë thirrje të gjithë qytetarëve që jetojnë në Kosovë, që të jenë të kujdesshëm dhe vigjilent për shmangien e të gjithë shkaktarëve të mundshëm të zjarrit si dhe të lajmërojnë me kohë shfaqjen e zjarrit.
Tashmë kemi hyrë në sezonin e verës që karakterizohet me temperatura të larta të ajrit, të cilat ndikojnë në rritjen e rrezikut për shfaqjen dhe zgjerimin e vrullshëm të zjarreve në sipërfaqe të hapura, malore dhe fushore”, thuhet në kumtesën e dërguar nga Ministria e Punëve të Brendshme.
Për të mësuar detaje më të hollësishme në lidhje me këtë njoftim, ne morrëm një prononcim nga kryeshefi ekzekutiv nga Agjencioni i Menaxhimit Emergjent, Fadil Kodra, i cili për Radio KFOR-in tha:

“Meqenëse tani fillon edhe sezoni veror, ne i bëjmë thirrje të gjithë qytetarëve që të kenë kujdes, për të ruajtur ambientin dhe ne si Agjenci tashmë i kemi vënë në dispozicion njësitet tona të zjarrëfikësve, megjtihëse ata janë në gjendje gatishmërie gjatë gjithë kohës, në mënyrë që të ruhet ambienti dhe jeta e qytetarit”, theksoi mes tjerash kryeshefi Fadil Kodra.
Për çfarëdo rasti të zjarreve, mund të thërrisni në Qendrën Operative Emergjente, në numrat e integruar emergjent – 112 dhe në këta numra:

- Policia e Kosovës - 192,

- Njësia profesionale e zjarrfikjes dhe shpëtimit - 193,

- Ndihma e shpejtë - 194.

Duhet të njoftojmë gjithashtu se, zjarrvëniet e qëllimta si dhe ato të shkaktuara nga pakujdesia, janë vepra penale dhe sanksionohen me ligj.



Lexo më Shumë