Balerinat e vogla inskenojnë shfaqjen “Trolls”

21.06.18

Sonte (21 Qershor) në ora 20:00, në Teatrin e AAB-së, “Faruk Begolli” në Prishtinë, trupa e balerinave nga studio Rudina do të japin shfaqjen e baletit “Trolls”.
Koreografinë e kësaj shfaqjeje e ka realizuar koreografja e njohur, Rudina Berdynaj-Jakupi, e cila në një prononcim për Radio KFOR-in, jetësimin në skenë të kësaj shfaqjeje e cilëson si mjaft sfiduese.
“Koreografia e filmit “Trolls” ka qenë një sfidë në vete, meqenëse ka shumë koreografi brenda saj, emocione të mëdha, e mbushur me karaktere dhe personazhe që përcjellin argëtim, gëzim e humor. Bashkë me balerinat kemi punuar shumë në mënyrë që shfaqja e sotme të jetë e paharrushme jo vetëm për prindërit e balerinave, mirëpo edhe për ato vet si dhe për të gjithë pjesëmarrësit tjerë”, tha koreografja Berdynaj - Jakupi.

më shumë...


21 Qershori - Dita e Muzikës, Yoga-s dhe Qëllimit

21.06.18

Muzika e sjell botën më afër. Muzika është jo vetëm fjalë, ajo është shënim, këngë e melodi që shpreh çdo emocion. Për të shënuar e rikujtuar rëndësinë e saj,  çdo 21 Qershor, shënohet Dita Botërore e Muzikës në mbarë globin.
Kjo ditë njihet edhe si “Fete de la Musique”,  pas një festivali muzikor që filloi në Francë në 1982, ku thuhet se ministri francez i kulturës, Jack Lang, e ka konceptuar idenë e muzikës përmes këtij festivali dhe që atëherë, është festuar si Dita Botërore e Muzikës.
Në Kosovë, kanë munguar projkete të cilat do ishin të destinuara pikërisht për datë 21 Qershor, kështu na tregoi edhe Zyrtari i lartë për artin muzikor në Ministrinë e Kulturës, Rinisë dhe Sportit, Sami Piraj:

më shumë...


Shfaqje baleti për fëmijë në AAB

21.06.18

Studio e baletit "Behias Dance", ka organizuar shfaqjen e baletit për fëmijë të titulluar ‘Ngjyra Vere’.
Kjo shfaqje vjen pas një pune gjashtë mujore pune, për finalizimin e shfaqjes.

Shfaqja do të mbahet nesër (22.06.18) në teatrin e universitetit AAB ‘Faruk Begolli’ në Prishtinë, nga ora 19:00.

më shumë...


Aktiviteti ”Lojëra pa Kufi” fillon së shpejti

21.06.18

“Education Comes First” organizon aktivitetin e shumëpritur, programin veror “Lojëra pa kufi”.
Fëmijët e klasave të para deri në të gjashtën, do të kenë aktivitete dhe lojëra sfiduese dhe garuese, ku do të mësojnë lojëra të reja mendore dhe trupore, të cilat përveç që do të jenë argëtuese do të mundësojnë që të sfidojnë shkathtësitë e tyre si në shpejtësi, vigjilencë, saktësi dhe balancë.
Aktivitetit i lartpërmendur do të mbahet nga data 25 deri më 27 Qershor, në Shkollën Fillore “Yll Morina” në Gjakovë.  Po ashtu njoftohet se në ditën e tretë ky aktivitet do të vazhdoj me art dhe shkencë.

më shumë...


Gara e çiklizmit ‘Downhill Gjeravica’

21.06.18

Klubi i çiklizmit ‘Mountain Bike Gjakova’ dhe ‘Bike Club  Tirana’, me mbështetje të komunës së Junikut organizon raundin e tretë të trofeut mbarëkombëtar ‘Downhill Gjeravica 2018’.
Ky aktivitet sportiv është i hapur për të gjithë të interesuarit në çiklizëm dhe vozitja do të bëhet në Junik me 24 Qershor 2018.
Organizatorët kanë treguar rregullat kryesore për të qenë pjesë e kësaj gare: ndalohet pjesëmarrja pa kokore (helmetë), ndalohet mbulimi i tërë fytyrës për shkak të rrezikshmërisë së shtegut dhe ndalohet pjesëmarrja me bicikletë hardtail (duhet të jetë patjeter me 2 amortizatorë). 

më shumë...


‘Festa e Muzikës’ mbahet sot dhe nesër në Prishtinë

21.06.18

Sot, Komuna e Prishtinës në bashkëpunim me Ambasadën e Francës në Kosovë dhe Aleanca Franceze në Prishtinë, organizojnë “Festën e Muzikës”, në amfiteatrin e sheshit “Zahir Pajaziti”, në Prishtinë.
Duke filluar nga ora 17:00 – 18:30, do të keni mundësi t’i shihni preformancat e grupeve të ndryshme të organizuara nga Qendra Kulturore e Fëmijëve Prishtinë:  Kori i Qendrës Kulturore të Fëmijëve,  Studio e Baletit “Mjellmat” , Solistët e QKF , Grupi “Xixëllonjat" , Studio e Baletit “Behia's Dance" dhe  Valltarët e Qendrës Kulturore të Fëmijëve.

më shumë...


Së shpejti mbahet sfilata “My Art”

21.06.18

Institucioni i parë akademik i hapur në Kosovë dhe rajon në fushën e dizajnit të modës “Design Factory”, vazhdon të pasuroj botën e modës në Kosovë, përmes sfilatave të vazhdueshme.
Edhe këtë vit “Design Factory”, do të sjell koleksionet e diplomimit të studentëve përmes sfilatës që do të realizohet më datën 23 qershor, në Hotel International, në ora 20:00.
Për të mësuar më shumë rreth realizimit të kësaj sfilate dhe përmbajtjes së saj, ne kontaktuam përgjegjësin nga zyra për projekte e kësaj akademie, Nderim Neziri, i cili në një prononcim për Radio KFOR-in tha:

më shumë...


“Shkolla nuk t’bon njeri, t’gjen punë!” ndihmon rininë

21.06.18

Në sheshin “Zahir Pajaziti”, në Prishtinë sot mbahet një aktivitet dedikuar të rinjve.

Ky aktivitet muzikor dhe edukativ, do t’iu ndihmoj të rinjve të njoftohen me profesionet të cilat kërkohen më shumë në tregun e punës në Kosovë. Aktiviteti në fjalë, i cili fillon sot (21.06.08), në orën 11 dhe zgjat deri në orën 13:00, do ti ndihmoj të rinjtë të bëjnë zgjedhjen e duhur për të studiuar, e më vonë të gjejnë punë më lehtë me drejtimet e përzgjedhura.

më shumë...


“Shprehu - jeta është e bukur me art”, zhvillohet në Mitrovicë

20.06.18

Vullnetarët e iniciativës “Qite hapin”, të përkrahur nga Community Building Mitrovica, organizojnë një ngjarje kulturore në komunitet për të festuar përmes artit,  si një mënyrë e të shprehurit.
Ngjarja do të organizohet më datën 24 Qershor, 2018 nën moton “Shprehu – jeta është e bukur me art”.

Ky aktivitet është i hapur për të gjithë dhe mbahet në hapësirë të hapur, në qendër të Mitrovicës .

më shumë...


Kosovo ‘NEXT10’ prezantohet në Muzeun e Kosovës

20.06.18

E ardhmja e Kosovës në 10 vitet e ardhshme do të paraqitet në mënyrë virtuale, ku 50 të rinj do ofrojnë vizionet e tyre,  përmes artit interaktiv të dizajnuar nga dizajnuer Tajvanez.

“Për një të ardhme më të mirë dhe për një verë zbavitëse”, ky është qëllimi i ftesës që është bërë nga  “Kosovo NEXT10”. Aty njoftohet se ekspozita në fjalë do të mbahet në Muzeun e Kosovës, më datën 27 Qershor. E për ta festuar hapjen e kësaj ekspozite është paraparë të mbahet një konferencë për media dhe një festë në mbrëmje.

më shumë...