< Para 1 2 357 58 59277 278 279 Pas >

Dua Lipa sërish përmend Kosovën (Video)

06.02.18

Këngëtarja shqiptare me famë botërore, Dua Lipa, në një intervistë për gjigantin muzikor,“Billboard Hot 100”, ka rrëfyer për karrierën dhe jetën e saj.
Bukuroshja nga Prishtina, e cila tashmë është pjesë e kësaj top liste botërore me dy hitet e saj të fundit, në këtë intervistë pyetet për muzikën e saj dhe nëse do të ketë bashkëpunime këtë vit.
Ajo pranoi se i pëlqen të bashkëpunojë me femra, por refuzoi të zbuloj ndonjë emër të ri konkret.
Në këtë intervistë, Dua përmend edhe origjinën e saj, teksa tregon se është rritur në Kosovë, duke dëgjuar këngët e Jay Z, zhanri i të cilit vazhdon të jetë inspirim për të.

“Po, kam dëgjuar hip hop dhe jam inspiruar para se të zhvendosesha në Britani kur kam qenë në Kosovë. Jam rritur me këtë muzikë. Jam rritur me këngët e Jay Z dhe mënyra se si unë përshkruaj jetën në këngë, buron pikërisht prej këngëve të Jay Z”, u shpreh Dua Lipa.

më shumë...


Ermal Meta në “Sanremo 2018”

06.02.18

Sot, (06.02.2018) fillon festivali i muzikës italiane “Sanremo 2018”, i 68-i me radhë. 

Në festivalin e “Sanremos” këtë vit do të marrë pjesë edhe shqiptari Ermal Meta, me një duet me këngëtarin Fabrizio Moron, me këngën e titulluar “Non mi aveete fatto niente”.

Për Ermalin nuk është hera e parë që do të performojë në “Sanremo”, ai edhe vitin e kalua zuri vendin e tretë.

Këtë vit Ermali do të jetë në mesin e njëzet këngëtarëve, një prej të cilëve, do të përzgjidhet për të përfaqësuar Italinë në Eurovision.

më shumë...


Krijuesit e filmit ‘Martesa’ mysafir në Radio KFOR - Foto

05.02.18

Regjisorja e filmit ‘Martesa’ Blerta Zeqiri dhe producenti i këtij filmi Kreshnik Berisha (Keka) të cilët ishin mysafir sot (05.02.18) në Radio KFOR, në emisionin e mbrëmjes ‘Meny’ te moderatorja Pranvera Behrami-Breznica, shpalosën detaje rreth filmit të tyre.
Sikurse Blerta, ashtu edhe Keka kanë shprehur kënaqësinë e tyre por edhe janë të befasur me shitjen marramendëse të biletave në Cineplexx, prej se ka filluar të shfaqet filmi i tyre në këtë kinema, në fillmi të muajit shkurt, nga data 01.02.18.
Filmi “Martesa”, i cili është realizuar nga çifti Blerta Zeqiri dhe bashkëshorti i saj Kreshnik Berisha (Keka), në këtë film kanë arritur të shtjellojnë një temë tabu, me protagonist një personazh kryesorë që i përket komunitetit LGBTE.

më shumë...


Albin Tahiri do ta përfaqësojë Kosovën në Lojërat Olimpike Dimërore

05.02.18

Sot, (05.02.2018) Ekipi olimpik i Kosovës do të udhëtojë për në Korenë e Jugut, për të qenë pjesëmarrës të Lojërave Olimpike Dimërore PyeongChang 2018, të cilat do të mbahen nga data 9 deri më 25 shkurt 2018. Ekipin olimpik të Kosovës do ta përfaqësojë skitari Albin Tahiri (28-vjeçar i lindur në Slloveni), i cili ka fituar normën olimpike në pesë disiplina të skijimit alpik: sllallom, sllallom i madh, super sllallom i madh, lëshim i shpejtë dhe kombinim alpik. 

më shumë...


Genc Prelvukaj flet për Radio KFOR-in: “Së shpejti do të publikoj këngën e re”

05.02.18

Rep këngëtari i famshëm Genc Prelvukaj, ka njoftuar se është duke punuar në këngën e tij më të re që do publikohet së shpëjti. Videoklipi dhe kënga më e re e titulluar “Dimër” nga Genc Prelvukaj është një prodhim i produksionit “Black Fish Entertainment”, që tashmë ka filluar xhirimet e këtij projekti. Genc Prelvukaj për Radio Kfor-in tregoi se kënga do të publikohet së shpejti dhe kjo këngë trajton temën e dashurisë. 

më shumë...


Radio KFOR-i viziton fëmijët e prekur me kancer dhe leukemi

02.02.18

Në prag të ditës Botërore kundër kancerit (04 shkurtit), ekipi i Radio KFOR-it së bashku me 2 paqëruajtës të KFOR-it shënuan këtë ditë përmes një aktiviteti simbolik në Repartin e Hemato-Onkologjisë në Klinikën e Pediatrisë, duke vizituar nga afër fëmijët që trajtohen në këtë Klinikë e që janë të prekur me leukemi dhe kancer.

Stafi mjekësor i udhëhequr nga shefja e repartit të Hemato-Onkologjisë, Violeta Grajqevci, mbeten të përkushtuar për kujdes sa më të madh në trajtim sa më profesional ndaj fëmijëve të prekur me këto sëmundje, megjithë mungesën e kushteve për trajtim të nevojshëm të tyre.

Cilat janë vështirësitë konkrete me të cilat përballet ky repart çdo ditë dhe sa të vetëdijshëm janë prindërit për parandalimin dhe trajtimin me kohë të kësaj sëmundjeje, Dr. Violeta  Grajqevci për Radio KFOR-in theksoi:

 “Afërsisht 70 % të rasteve që na lajmërohen në Klinikë, trajtohen tek ne falë donacioneve të  shoqatave të ndryshme humanitare, të cilët na e sigurojnë sidomos kimioterapinë, e cila është e  domosdoshme për këta fëmijë, në mungesë të sigurimit total të tyre nga Institucionet përkatëse, prandaj një përqidnje e vogël e tyre detyrohen të dalin jashtë Kosovës për trajtim të mëtutjeshëm”.

Megjithëse natyra e kësaj sëmundjeje dhe simptomat klinike të saj janë të fshehura, Dr. Grajqevci rekomandon vigjilencë dhe kujdes të shtuar për parandalimin dhe trajtimin sa më të hershëm të saj, ku ndër të tjera shtoi:

 “Nëse prindërit vërejnë anemi apo gjëndra të larta limfatike, ndryshime në lëkurë në formë të gjakderdhjeve të imta, gjakderdhje nga hunda, lodhje, plogështi, infeksione, simptoma këto që manifestohen rëndom në këto raste, të mos i neglizhojnë ato, por menjëherë të paraqiten tek Reparti i Hemato-Onkologjisë”.

më shumë...


FSK-ja ndihmon Shqipërinë pas vërshimeve

02.02.18

Kontigjenti i dytë i FSK-së është nisur dje në Shqipëri për të ndihmuar vendet që pësuan dëme nga vërshimet në muajin dhjetor të vitit 2017.

Drejtori për mardhënie me publikun në Ministrinë e FSK-së Ibrahim Shala, për Radio KFOR-in tha se ata po ndihmojnë shtetin e Shqipërisë pas vërshimeve që pësoi ky vend dhe gjithashtu njoftoi se:  “Në muajin Dhjetor në Shqipëri ka pasur vërshime të mëdha, të cilat kanë sjellur dëme dhe pasoja sidomos në infrastrukturë rrugore e konkretisht në ura. Në shumë vendbanime janë shkatërruar urat.”
Ai më tej shtoi se në ndihmë është nisur një kontigjent i përbërë nga 31 pjestarë të FSK-së, ku tha:

“Është nis një kontigjent dje (01.02.18) prej FSK-së për në Shqipëri të cilët do të dislokohen në rrethin e Korçës, për të ndërtuar një urë.  Gjithësej janë 31 pjestarë dhe 15 automjete me teknikën përcjellëse që ju duhen  për punë të tilla inxhinierike”. 

më shumë...


Intervista ekskluzive e Admiralit Foggo III për Radio KFOR-in

02.02.18

Komandanti i Forcave të Përbashkëta Aleate në Napoli, Admirali James Foggo III dhe Komandanti i KFOR-it, Gjeneral Major Salvatore Cuoci, sot vizituan urën kryesore në Mitrovicë. Kryetarët e komunave të Mitrovicës Jugore, Agim Bahtiri dhe kryetari i komunës veriore, Goran Rakic, po ashtu ishin prezentë. Me këtë rast Admirali James Foggo III enkas për Radio KFOR-in, iu përgjigj pyetjeve se sa është i rëndësishëm misioni i KFOR-it në Kosovë dhe se cila është arsyeja e vizitës se tij në urën e Mitrovices:

më shumë...


Trendet e librave më të shitur në botë

02.02.18

Kultura e leximit të librave ende mbetet njëra nga knaqësitë e adhuruesve të librit.

Listën e librave më të shitur në botë e kryesojnë libra të cilat trajtojnë  zhanre  të ndryshme si dramë, fantashkencë, romancë, autobiografi, libra komik, triologji të famshme dhe zhanre të tjera.

Barnes & Noble, kompania më e madhe në botë për shitjen e librave në SHBA, sjell librat më të shitur aktulisht.

Libri më i shitur në botë sipas kësaj kompanie aktualisht është libri “Fire and Fury- Inside the Trump

Libri “Milk and Honey” nga Rupi Kaur, është një koleksion i poezisë dhe prozës mbi mbijetesën. Libri flet për përvojën e dhunës, abuzimit, dashurisë, humbjes dhe feminitetit.

Libri është i ndarë në katër kapituj dhe secili kapitull i shërben një qëllimi të ndryshëm.

më shumë...


Ramë Lahaj në Operën Kombëtare të Parisit “La Traviata”

02.02.18

Sot, (02.02.2018) artisti dhe tenori i mirënjohur Ramë Lahaj, do të performojë në Operën Kombëtare të Parisit “La Traviata”, me regji të Benoit Jacquot e të dirigjuar nga dirigjenti, Dan Ettinger.

Artisti shqiptar që po shënon suksese në teatrot më prestigjioze të botës, duke u prezantuar me role të rëndësishme, në faqen e tij të facebook-ut ka shkruar:

“Është kënaqësi e madhe të jem prapë këtu dhe të performoj me kolegët të jashtëzakonshëm në njërën prej operave më të rëndësishme në botë. A mund të besoni që të gjitha biletat janë shitur dhe s'mund të gjej vend as për familjen dhe miqtë? “ Më tutje ai ka thënë se është kënaqësi e tij sa herë që ngjitet në skenë me Traviaten e tij të preferuar, Marina Rebeka.

më shumë...


< Para 1 2 357 58 59277 278 279 Pas >